Кыргызстандык калыс Бахадыр Кочкаров Голландия-Коста-Рика беттешинде башкы калыска көмөктөшөт

Германиянын оюнчусуна АКШнын капитаны Клинт Демпси нааразычылык билдирип жатат. Алардын соңунда калыс Бахадыр Кочкаров келүүдө.

Кыргызстандык калыс Бахадыр Кочкаров Дүйнө чемпиондугунун чейрек финалдык оюндарынын алкагында Голландия-Коста-Рика беттешинде өзбекстандык башкы калыс Равшан Ирматовго көмөк көрсөтөт. Беттеш эртең, 5-июль түнү орун алат. Бул тууралуу ФИФАнын расмий сайты кабарлайт.

Кошумчалай кетсек, Ирматовдун бригадасынын курамында Бахадыр Кочкаров буга чейин Швейцария-Эквадор, Хорватия-Мексика жана Германия-АКШ беттештеринде майданга чыккан.

Автор: Максат Кудайбердиев
Фото: Интернеттен алынды