Бразилия-2014: Аргентина Бельгияны 1:0 эсебинде утуп, жарым финалга чыкты (фоторепортаж)

Жарым финалдык жолдомону жулдуруп жиберишкен Бельгиянын оюнчулары...

Дарбазачылар бир топ соккуну артка кайтарышты.

Аргентинанын лидери Лионель Месси кезектеги чабуулду уюштурууда.

Оюндун курч мүнөздө өткөнүн тануу мүмкүн эмес.

Бельгиянын жарым коргоочусу де Брюйне кезектеги чабуулду уюштуруп жатат.

Маруан Феллаини пайда болгон кырдаалдан пайдаланып, гол киргизе алмак. Бирок ал бул учурду сая кетирип койду.

Аргентинанын башкы машыктыруучусу Алехандро Сабелья оюнчуларга майдан четинен тапшырма берип жатат.

Лионель Мессиге каршы бельгиялыктар бир катар эрежелерди бузуп жатышты.

Бельгия утулуп жатканына карабай Дүйнө чемпиондугунун кубогунан үмүт үзбөгөн күйөрман.

Оюндун экинчи бөлүгүндө Аргентинанын мыкты оюнчуларынын бири Анхель ди Мария жаракат алып, майдандан чыгып кетти.

Эден Азар менен Хавьер Маскерано топ үчүн болгон күрөштө.

Гонсало Игуаин коргоочулардын катасынан пайдаланып, оюн эсебин ачты.

Беттешти италиялык калыс Никола Риццолинин бригадасы тейледи.

Аргентина курама командасы.

Бельгия курама командасы.

Бельгиянын күйөрмандары.

Аргентинанын күйөрмандары.

"Улуттук" деп аталган стадиондо чогулгандардын басымдуу бөлүгү Аргентинанын күйөрмандары болду.

Аргентина-Бельгия – 1:0

Гол: Гонсало Игуаин (8-мүнөттө)

Бүгүн, 5-июлдан 6-июлга караган түнү футбол боюнча Бразилиядагы Дүйнө чемпиондугунун чейрек финалдык оюнунда Аргентина жана Бельгия курамалары кез келди. Аргентина 1:0 эсебинде жеңишке жетишип, жарым финалдык жолдомонун ээси болду. Аргентиналыктардын жарым финалдагы атаандашы Голландия жана Коста-Рика курамаларынын ортосундагы оюндун жеңүүчүсү болмокчу. Жарым финалдык оюн 9-июлдан 10-июлга караган түнү орун алат.

Бул оюндун тагдырын ыкчам киргизилген жалгыз гол чечип койду. Оюндун башында каршы чабуулда Гонсало Игуаин топту дарбазага таамай багыттай алды. Оюндун калган бөлүгүндө Бельгия топко ээлик кылып, бир катар чабуул уюштурду. Ал эми Аргентина коргонууга ыктам, каршы чабуул менен атаандаштын дарбазасын көздөй жылып жатты. Бир катар мүмкүнчүлүктөрдү голго айлантуу командалар үчүн ишке аша берген жок. Бельгия дагы бир ирет командалык оюн кура аларын далилдеп берди.

Автор: Максат Кудайбердиев
Фото: Интернеттен алынды