Эрежесиз эр уруш боюнча Орусияда өткөн Дүйнө чемпиондугунан кыргызстандыктар 3 медаль менен кайтышты

Мелдешке 200гө чукул спортчу катышты.

Кыргызстан командалык эсепте 3-орунду ээледи.

Кыргызстан курама командасы...

Эгизов Туратбек

Алмаз Акун жарым финалда катуу беттеш өткөргөн атаандашы менен...

Алмаз Акун өз сыйлыгын алууда.

Кыргызстан курама командасынын мүчөсү Жакшылык уулу Жайыл.

Жакшылык уулу Жайыл күмүш медаль тагынды.

Кыргызстандык спортчулар дүйнөгө белгилүү спортчу Али Багаутинов менен...

Июнь айында Орусияда өткөн эрежесиз эр уруштун FCF-MMA версиясы боюнча Дүйнө чемпиондугунан кыргызстандык спортчулар 3 медаль менен кайтышты. Бул тууралуу бүгүн, 8-июлда мелдештин катышуучусу Жакшылык уулу Жайыл SUPER.KG порталына билдирди.

Анын айтымында, 7 салмак категориясында өткөн мелдешке 200гө чукул спортчу катышты. Анда Кыргызстан курамасы 3 медаль утуп, командалык эсепте 3-орунду ээледи. Команданын эсебине Жакшылык уулу Жайыл (71 килограмм салмакта) менен Туратбек Эгизов (93 килограмм салмакта) күмүш медаль жаздырышса, Алмаз Акун 3-орунду ээлеп калган.

“Көбүнчө кавказдыктар чемпиондукка жетишишти. Алар чемпион болсо, мамлекет тарабынан үй, унааларга ээ болушат экен. Жеңишке болгон аракетти Алмаз Акун менен жарым финалда беттешкен спортчудан байкадым. Алмаз колун кайрып турган убакытта чыдап, тиешелүү упайды алып кетти. Финалда болсо бир колу иштебегенине карабай жеңүүчү аталды”,- деп кошумчалайт спортчу.

Автор: Максат Кудайбердиев
Фото: Жакшылык уулу Жайыл