Жайкы трансферлер-2014: Алексис Санчес лондондук “Арсенал” клубунун оюнчусуна айланат

Чили курама командасынын чабуулчусу Алексис Санчес өзү ойногон каталондук “Барселона” клубу менен жакын арада коштошот. Футболчунун кийинки клубу лондондук “Арсенал” болмокчу. Бул тууралуу бүгүн, 9-июлда чет элдик маалымат булактары кабарлады.

Маалыматка ылайык, футболчунун трансфери үчүн “Арсенал” 35 миллион евродон ашык каражатын сарптаган. Каталондук клубдун курамына 2011-жылы келген Санчес 140 оюнда 46 гол киргизген.

Кошумчалай кетсек, “Барселона” Санчестин ордун Уругвайдын чабуулчусу Луис Суарес менен толуктай турганы буга чейин айтылып келген.

Автор: Максат Кудайбердиев
Фото: Интернеттен алынды