Бразилия-2014: Бразилия Голландияга утулуп, өз үйүндө медалдан куру калды (фоторепортаж)

Голландиялыктар 3-орунду ээлеп, мекенине медаль менен кайтмай болушту. Албетте, алтын эмес, коло медаль да командага ири аброй алып келди.

ФИФАнын президенти Йозеф Блаттер команданын капитаны Робин ван Персиге медалын тапшыруу алдында турат...

Арьен Роббен бул беттештин мыкты оюнчусу аталды.

Бразилиянын башкы машыктыруучусу Луис Филиппе Сколари мелдеш менен ушундайча коштошту. Жакын арада анын кызмат орду менен да коштошору айтылууда.

Чымчыса ыйлаган бала аз убакыт аралыгында сооронот. Ал эми Бразилиянын утулганына арданып ыйлаган балдар муну эстеген сайын ыйласа керек...

Бразилиялыктар медалсыз калганына эмес, мекенинде уюшулган биринчиликте мекендештеринин ишенимин актай албаганына ыйлашууда.

Эл Бразилиянын голуна муктаж болуп турган. Бирок кайра эле голландиялык футболчу голу менен айырмаланды.

Орой ойногон футболчулар, албетте, калыс тарабынан убагында жазаланып жатышты.

Эсеп катыштыгында утулуп жаткан команданын ачуусу чукул болот эмеспи, бразилиялыктар акыры орой оюнду тандашты.

Бразилиянын оюну башынан эле ийгиликке алып барбасы айтылган. Бирок тажрыйбалуу машыктыруучу катары Сколари командасына тынымсыз чабуул уюштуруу тапшырмасын берген.

Бразилиянын лидерлеринин бири Оскар жакшы оюну менен элге даана байкалып турду.

Экинчи голду коргоочулардын катасынан пайдаланган Дэйли Блинд киргизди.

Бразилиялыктар бул беттеште да ылдамдык жагынан кыйла уттуруп жатышты.

Алгачкы голду аз гана убакыттан кийин көрдүк. Гол ван Персинин эсебине жазылды.

Неймар кудум Голландиянын жашыруун сырын билгендей бразилиялыктардын капитаны Тиаго Силвага шыбырап жатат.

Футбол сүйгөн элди ушундан байкаса болот, жарым финалда ири эсепте жеңилсе да, стадион толо эл келди.

Бразилиялыктар Дүйнө чемпиондугунда акыркы жолу мамлекеттик гимнди аткарышууда.

Жаракатынан улам башка бразилиялык футболчулардан айырмаланып эрте эс алууга чыккан Неймар командасын майдан четинде колдоп турду.

БРАЗИЛИЯ - ГОЛЛАНДИЯ - 0:3

Голдор: Ван Перси (3-мүнөттө, пенальтиден), Блинд (17-мүнөттө), Вейналдум (90+1-мүнөттө).

ФИФАнын президенти Йозеф Блаттер айтмакчы, Бразилиядагы Дүйнө чемпиондугу фантастикалык оюндар менен коштолууда. 12-июлдан 13-июлга караган түнү бул мелдеш алкагында кичи финал же болбосо 3-орун үчүн болгон беттеш Бразилия жана Голландия курамаларынын ортосунда болду.

Бразилия ири эсепте утулгандан кийин элдин ишенимин сактап калуу үчүн эч болбосо ушул беттешти утууга тийиш эле. Бразилия курамасынын акыркы оюнунда медаль үй ээлерине тапшырылып, стадиондун ар бурчунда сары-жашыл желек желбиреп турганы бардык бразилиялыктардын каалаганы эле. Бирок бул нерселер кыял бойдон калып, майданда такыр башкача жыйынтыктагы оюн болду.

20-мүнөткө чейин эки ылдам гол киргизген европалыктар өзүлөрүнө болгон ишенимди арттырып алышты. Коргонууда каталар болуп жатты. Чабуулдун уюшулуусу бир топ кыйын болуп жатты. Кенедей катадан гол киргизгенге жөндөмдүү Голландия командасы оюндун ылдамдыгын өзү каалаган маалда көтөрүп, каалаган маалда топту атаандаштан тартып алып жатты. Мунун баарынын жыйынтыгын оюн эсеби айтып турат...

Медаль ээлерин куттуктайбыз!

Автор: Максат Кудайбердиев
Фото: Интернеттен алынды

06:54 13-07-2014

Жазылуу

РУБРИКАДАГЫ СОҢКУ КАБАРЛАР

16:47 2025-05-08 | Түркүн дүйнө

Абу-Дабиде жаңы Диснейленд паркы курулат (видео) 92 0

16:27 2025-05-08 | Коом жана турмуш

Ала-Арча сейил багында амфитеатр ачылды (фото) 178 0

16:06 2025-05-08 | Коом жана турмуш

АКШда жол кырсыгынан Кыргыз жараны көз жумду 512 0

15:58 2025-05-08 | Саясат

Элчи Казакбаев Түркиянын үй-бүлө жана социалдык кызматтар министри менен жолукту 159 0

15:35 2025-05-08 | Коом жана турмуш

Мексикада кыргызстандык жаран каза болду 738 0

14:53 2025-05-08 | Коом жана турмуш

Бишкектен Делиге аба каттамы токтотулду 598 0

Архив

Комментарийлер (16)

Kyzyl-Unkur

2014-07-13 08:05:30

Ehhh jalko Brazilialyktarga, jok degende 3-orundu alsa jakshy bolmok oz uiundo.

insap

2014-07-13 08:29:33

Baikushka ailan'gan tura eki kixisiz aiantka tvxkon komanda...

Lumia-800

2014-07-13 10:26:33

Мына сагаа...ошондой болуш керек болчу.

ARTURO

2014-07-13 11:43:25

дагы 7.1ге утулса болмок

Begimkyz

2014-07-13 12:38:06

ARTURO, кой э. Бразилияны колдоп журдум эле каааап(((

92nuraaly

2014-07-13 12:50:06

Жаман болду Бразилия, мен дагы колдомуш болдум эле.

aza.kg007

2014-07-13 13:21:13

Мен германияны колдоп атамда

nurkasym-2014

2014-07-13 13:31:50

Бразилиялыктар башында эле эптеп суроондун ж-а Неймар м-н капитан командасынын кучу м-н келе атышкан.Дагы жакшы жарым финалга илиништи. Болбосо буларды Чили курама командасы эле утуп ала жаздаган.

Nursultan.m.n

2014-07-13 13:37:51

Бирок чындыгында Бразилияга жалко ((

insap

2014-07-13 13:45:37

Месси: чечүүчү мелдеште өмүрүмдөгү ең зарыл бир согушту аткарам, чемпён болуу тилегиме өз командамды алып барам!

kyrgyz.93

2014-07-13 14:23:30

Бразилияны Айперинин клибиндеги комондосы деле женип койот

-2

Mirko95

2014-07-13 14:48:42

Коп катачылыктар болду, 2-гол офсайд абалында кирди,Оскарга сары кагаз берген дагы туура эмес болду, арбитр кайсы жакты карап турган тушунуксуз

-1

lotte

2014-07-13 16:02:01

Mirko95, Бразилиянын кыздардын карап турган гооо ))

beka88

2014-07-13 15:09:02

бугун мессиге куч берсин

NARYNGRAD

2014-07-13 16:19:00

Мюллер, Клозе жана Шюрлеге күч берсин!!!

ayakosya

2014-07-13 18:52:28

Лохтор

Комментарий калтыруу үчүн өз ысымыңыз менен кириңиз же каттоодон өтүңүз.