Бразилия-2014: Жабылуу аземине Шакира менен Бекхэм уулдарын ээрчите келишти (жабылуу салтанатынан фоторепортаж)

Салтанаттын жүрүшүнөн...

Солдон оңго: Бразилиялык футбол ишмери Карлос Дунга, ФИФАнын президенти Йозеф Блаттер жана экс-футболчу Амарилдо...

Германиялык Лоттар Маттеус (солдон биринчи), италиялык экс-футболчу Фабио Каннаваро (ортодо) жана аргентиналык экс-футболчу Даниэль Пассарелла чогуу сүрөткө түшүп жатышат.

Түрдүүчө кийинген кыздар мелдештин катышуучуларынын желектери менен...

Германиянын канцлери Ангела Меркель Германия курама командасынын майданга чыгуусун чыдамсыздык менен күтүп жаткан маал.

Жабылуу аземине футбол падышасы Пеле жана бразилиялык футболчу Кака да келди.

Футболду жыйыштырып, моделдик кесипке ыктап жүргөн Дэвид Бекхэм уулдары менен...

Дүйнө кубогу...

2010-жылы Дүйнө чемпиондугун утуп алган Испания курама командасынын экс-оюнчусу Карлес Пуйоль Дүйнө чемпиондугунун кубогун стадионго салтанаттуу түрдө алып чыкты. Аны бразилиялык атактуу модель Жизель коштоп чыкты.

Германия курама командасынын күйөрмандары жабылуу аземине күбө болуп жатышат.

Жабылуу аземине катышкан атактуулар...

Жабылуу салтанатынын жүрүшүнөн...

Шакира уулу Милан менен кошо эл алдына чыкты.

Ырчы Шакира "La la la" чыгармасын аткарып жатат.

Жабылуу салтанатынын жүрүшүнөн...

Атактуу америкалык актёр Эштон Катчер жабылуу аземинин жүрүшүндө өзүн сүрөткө тартып жатат.

Аземдин жүрүшүндө кыздар бул жолку Дүйнө чемпиондугуна катышкан 32 команданын желегин эл алдына алып чыгышты.

Карлос Сантана, Вайклеф жана Алешандре Пирес сыяктуу ырчылар “Dar Um Jeito” чыгармасын аткарып жатышат.

Рок жаатында ырдаган белгилүү англиялык "The Rolling Stones" тобунун ырчысы стадиондогу атактуулардын катарын толуктады.

ФИФАнын версиясы боюнча "Дүйнөнүн мыкты айым футболчусуна" берилген "Алтын топ" байгесинин 5 жолку ээси Марта...

2010-жылы Дүйнө чемпиондугун кабыл алган ЮАР мамлекетинин президенти Жейкоб Зума жубайы менен жабылуу аземине жана финалдык беттешке күбө болуу үчүн келген.

Белгилүү R&B жана поп-ырчысы Рианна көрүүчүлөрдүн катарын толуктады.

Орусиянын президенти Владимир Путин Дүйнө чемпиондугунун эстафетасын кабыл алуу үчүн Бразилияга барып, жабылуу аземине жана финалга күбө болду.

Бүгүн, 13-июлдан 14-июлга караган түнү Бразилиядагы Дүйнө чемпиондугунун расмий жабылуу аземи орун алды. Финалдык беттешке бир жарым саат калганда уюшулган иш-чаранын концерттик программасында белгилүү колумбиялык ырчы Шакира “La la la” деген аталыштагы ырын аткарып берди. Андан тышкары Карлос Сантана, Вайклеф жана Алешандре Пирес сыяктуу ырчылар “Dar Um Jeito” чыгармасын тартуулашты. Мелдештин расмий гимни болгон “We Are One” чыгармасы ачылыш салтанатында ырдалгандай эле бул жолу да Женнифер Лопес, Pitbull жана Клаудиа Лейттенин аткаруусунда обого жаңырды. Дүйнө чемпиондугу менен коштошуу салтанаты ушундайча өттү.

Кошумчалай кетсек, жабылуу аземине бир катар атактуулар катышты. Алардын ичинен ырчы Шакира уулу Миланды элдин алдына алып чыкты.

Автор: Максат Кудайбердиев
Фото: Интернеттен алынды