Бразилия-2014: Футболчуларды жерге буту тийбей турган абалда тарткан сүрөтчүлөрдүн эмгектери (фотолор)

Аргентинанын дарбазачысы Серхио Ромеро аба аркылуу келген топторго биринчи болуп чыгып, тосуп жатты.

Германиянын дарбазачысы Мануэль Нойер менен Аргентинанын чабуулчусу Гонсало Игуаиндин кагылышуусу...

Аргентиналык Лионель Месси башы менен сүзө албай турган топту Германиянын коргоочусу Боатенг буту менен тээп жатат.

Колумбиянын лидери Хамес Родригес Бразилияга каршы оюнда...

Колумбиялык футболчу Карлос Бакка дарбазачы менен кагылышуудан кийин.

Артты карап турган абалда топту дарбазага багыттоого аракет кылган Гананын оюнчусу.

Дүйнө чемпиондугунун тарыхындагы мыкты бомбардир (16 гол) Мирослав Клозе киргизилген голду өзүнүн стилинде майрамдоодо.

Португалия менен Гананын беттеши...

Хорватиялык футболчу Анте Ребич (№16) аба аркылуу келген топту токтотуу аракетинде...

Мексиканын дарбазачысы Гильермо Очоа өз дарбазасын бразилиялыктардан сактап калды.

Чили курама командасынын оюнчусу Алексис Санчес Бразилиянын дарбазасына киргизген голунан кийин...

Италиянын чабуулчусу Марио Балотелли англиялыктардын дарбазасына чабуул коюп жатат. Албетте, темага ылайык аба менен...

Греция жана Коста-Рика командаларынын оюну...

Англиянын дарбазачысы Жо Харт канчалык колун сунуп алдыга умтулбасын, уругвайлык Луис Суарестин сүзгөн тобун токтотууга жетишкен жок.

Голландиянын чабуулчусу Клас-Ян Хюнтелар Мексиканын дарбазазына гол киргизген соң бурчта жайгашкан желекти тээп өттү.

Дарбазачынын топко секирүүсүн көп эле көрүүгө болот. Бирок ошонун баарын минтип жакшы кадрга тартып жетишүү оңой эмес.

Коста-Рика курамасынын оюнчусу Жонни Акоста Голландияга каршы оюнда топту дарбазадан алыстатуу аракетин көрүп жатат.

Голландиялык Арьен Роббен Коста-Рикага каршы оюнда...

Голландиялык Арьен Роббен (№11) Аргентинага каршы оюнда...

Германиянын лидери Бастиан Швайнштайгер топту Алжирдин дарбазасын көздөй башы менен сүзүп багыттоодо.

Франциянын дарбазачысы Уго Льорис топту дарбазага өткөрүп жибергенин абада турган абалда көрүп жатат.

Германия менен Франциянын беттешинде Томас Мюллер менен Патрис Евро топ үчүн абада кармаш өткөрүп жатышат.

Голландиянын капитаны Робин ван Перси Испаниянын дарбазасына топту таамай багыттап жатат.

Бразилиядагы Дүйнө чемпиондугу расмий жыйынтыкталды. Көп сандагы голдордун киргенин, Бразилиянын 7:1 эсебиндеги жеңилүүсүн, өткөн жолку Дүйнө чемпиону Испаниянын тайпалык баскычта утулганын жана уругвайлык футболчу Луис Суарестин атаандашын тиштеп, мелдештен айдалганын эске алсак, бул мелдеш кызыктарга өтө бай болду.

Бул мелдеште көз салып отурган элге эле эмес, стадиондо сүрөт тартып жүргөн сүрөтчүлөргө да кызыктуу болду. Футболчулардын абада топ үчүн болгон кызыктуу күрөштөрүн назарыңыздарга коёбуз. Бул үчүн фотоаппарат кармап, оюндагы урунттуу учурларды объективдин ары жагынан карап, кадрга түшүргөн сүрөтчүлөрдүн эмгеги чоң экенин белгилеп кетишибиз керек. Көпчүлүктүн пикиринде, сүрөттүн авторун да ушундай кадрлар кубандырат.

Автор: Максат Кудайбердиев
Фото: Интернеттен алынды