Өз мекенине кайткан Дүйнө чемпиону Германиянын курама командасын миңдеген күйөрмандар кубаныч менен тосуп алышты (фоторепортаж)

Чемпиондукту майрамдоо салтанатынын жүрүшүнөн...

Футболчулар күйөрмандарга ыраазычылык билдиришти...

Курама команданын башкы машыктыруучусу Йоахим Лёв.

Оюнчулар атайын даярдалган автобустун үстүндө туруп алып элдин маанайын текшерип жатышат.

Команданын лидери Бастиан Швайнштайгер эл алдында...

Салтанат желек, кубок менен коштолуп, "чемпион" деген сөз обого тынымсыз жаңырууда.

Финалдагы чечүүчү голду киргизген Марио Гетце чемпиондукту жердештери менен майрамдоо маалында...

Берлинде курама команданы миңдеген күйөрмандар тосуп алышты.

Берлин шаарында миңдеген футбол сүйүүчүлөрү дүйнөнүн жаңы чемпиону Германиянын курама командасын тосуп алды. Бул тууралуу бүгүн, 15-июлда чет элдик маалымат булактары кабарлады.

Маалыматка ылайык, Бразилияга 1 ай мурун аттанган делегациянын жеңишин куттуктоо үчүн тактыкка көңүл бурган эл эртең менен эле иш-чара өтө турган аянтка чогулуп калган. Бирок футболдук делегация Рио-де-Жанейродон пландалгандан 2 саат кечигип абага көтөрүлгөндүктөн, күйөрмандар бир топ күтүштү. Бразилиядан футболчулар ала келген чемпиондук маанай учурда Германияда уланууда.

Кошумчалай кетсек, Германия курамасы 14-июлга караган түнү финалда Аргентина курама командасын утуп (1:0), өз тарыхында 4-ирет Дүйнө чемпиону аталган.

Автор: Максат Кудайбердиев