“Мен Германияны эмес, Аргентинаны эмес, Кыргызстанды колдойм” дейт калыс Бахадыр Кочкаров

“Бразилияда өткөн футбол боюнча Дүйнө биринчилигинин финалында Германияны да, Мессинин Аргентинасын да колдогон эмесмин. Мен Кыргызстанды колдойм”,- деди бүгүн, 17-июлда маалымат жыйынында кыргызстандык калыс Бахадыр Кочкаров.

“2018-жылы Орусияда өтүүчү Дүйнө чемпиондугуна Кыргызстандан бир эмес, үч калыстын катышуусун кыялданам. Бизде бир топ мыкты жаш калыстар бар. Аларды жакшы даярдап, ушул биринчиликке барууну каалайм”,- деди Кочкаров.

Кошумчалай кетсек, Бахадыр Кочкаров өзбекстандык калыс Равшан Ирматовдун бригадасынын курамында 4 беттеште калыстык милдетти аркалаган. “ЮАР-2010го” да барган жердешибиз Дүйнө чемпиондуктарынын тарыхында 9 беттешти тейлеген калыс катары Равшан Ирматов менен биргеликте жаңы рекорд койгон.

Автор: Нургазы Аматов