Бүгүн Бишкекте бокс боюнча эл аралык мелдеш өтөт

Бүгүн, 2-августта Бишкектеги Кожомкул атындагы Спорт Ордосунда бокс боюнча эл аралык мелдеш өтөт. Бул тууралуу иш-чаранын уюштуруучулары билдиришти.

Маалым болгондой, аталган мелдешке 4 мамлекеттин мушкерлери катышышат. Кыргызстандык боксчулар бүгүнкү биринчи оюнунда Түркмөнстандын курама командасы менен рингге чыгышат. Ал эми бул турнирдин жеңүүчүлөрү эртеңки оюндарда аныкталышат.

Айта кетсек, аталган мелдеш Кыргызстандын курама командасын сентябрь-октябрда Түштүк Кореяда өтүүчү Азия оюндарына даярдоо максатында уюштурулууда.

Автор: Нургазы Аматов