Сокулук районунда жооптуу кызматкерлер “кызмат абалынан пайдаланышкан” деп шектелүүдө

Сокулук районунун Жерге жайгаштыруу жана кыймылсыз мүлккө болгон укукту каттоо боюнча башкармалыгынын жооптуу кызматкерлери “кызмат абалынан пайдаланышкан” деп шектелүүдө. Бул тууралуу ИИМдин басма сөз кызматы бүгүн, 21-августта билдирди.

Маалыматка караганда, аталган башкармалыктын кызматкерлери Орок айыл аймагына караштуу 3 гектар жер тилкесин бөлүктөргө бөлүп, жеке менчикке өткөрүп жиберишкен. Анын кесепетинен айыл чарбага ылайыкташкан жерге үйлөр курула баштаган.

Учурда бул факты боюнча кылмыш иши козголуп, тергөө амалдары жүрүп жатат.

Автор: Бекжан Рыскулов