“Инчхон-2014” Азия оюндары: Футбол боюнча Кыргызстандын олимпиадалык курамасы Иран менен 1:1 эсебинде тең ойноду (фоторепортаж)

Олимпиадалык курамдын машыктыруучусу Мирлан Эшенов маалымат жыйынында...

Азамат Байматов эсепти теңеп жатат.

Кыргызстандыктар коргонууга басым жасашты.

Күйөрмандар...

Кайрат Жыргалбек уулу кезектеги чабуулдардын бирин уюштуруу аракетинде...

Кореядагы кыргыздар олимпиадалык курама команданы жалгыз калтырбай, колдоп келишти.

Оюн курч мүнөздө өттү.

Кореядагы кыргыздар олимпиадалык курама команданы жалгыз калтырбай, колдоп келишти.

Бүгүн, 18-сентябрда Түштүк Кореянын Инчхон шаарында өтүүчү Азия оюндарынын футбол боюнча мелдешинде Кыргызстан олимпиадалык курама командасы Иран менен 1:1 эсебинде тең ойноду.

Оюндун алгачкы 45 мүнөттүгү 0:0 эсебиндеги тең чыгуу менен жыйынтыкталды. Кыргызстан курамасы коргонууга ыктаган стилдеги оюн алып барып, кези келгенде каршы чабуул коюп жатты. Ушуну эске алып, оюнда демилге Ирандын оюнчуларынын колунда болду десек болот. Экинчи таймдын 78-мүнөтүндө бурчтан чыгарып берүүдө оюн эсеби өзгөрүп, ирандыктар алдыга чыгышты. Кыргызстан курамасын бул жолу жеңилүүдөн Азамат Байматов сактап, оюндун 90-мүнөтүндө эсепти теңегенге үлгүрдү.

Автор: Максат Кудайбердиев
Фото: Нурдин Султамбаев