"Көчмөндөр оюндарында уткан спортчулар байгеге коюлган акчаларын ала албай жатышканы тууралуу маалымат орунсуз" дешет уюштуруучулар

"Бүткүл дүйнөлүк көчмөндөр оюндарында жеңүүчү аталган спортчулар байгеге коюлган акчаларын ала албай жатышканы тууралуу таратылган маалыматтар чындыкка дал келбейт",- деп билдирди Улуттук оюндарды өнүктүрүү борборунун директору Алмаз Касенов бүгүн, 19-сентябрда Бүткүл дүйнөлүк көчмөндөр оюндарынын жыйынтыгы боюнча өткөн жыйындан кийин.

"Биз банктардын бири менен макулдашып, сыйлыкка каралган акча каражаттарын банкка которгонбуз. Жеңүүчү аталган спортчулар Жер шарынын кай жагына барышпасын, ушул банктын банкоматтарынан акча каражаттарын ала алышат. Аларга, балким, банкоматтан алууда кыйынчылык жаралып жаткандыр. Мамлекет спортчулардын акчаларын кармап калган жок",- деди ал.

Автор: Максат Кудайбердиев