Бишкекте улан-кыздар стриптиз үчүн шыргыйда татаал жана күлкүлүү ыкмаларды аткарышты (фоторепортаж)

Эркектер да шыргыйда өз өнөрлөрүн көрсөтүштү.

Ар бир номер бүткөн соң жардамчылар шыргыйларды сүртүп жатышты. Айта кетсек, шыргыйдын диаметри 4,5 сантиметрге барабар.

Стрип-пластика боюнча мастер-класс.

Көрүүчүлөр стрип-пластика боюнча мастер-класска күбө болушту.

Мелдеште өз кезегин күтүп тургандар учурдан пайдаланып даярданып да жатышты.

Катышуучулар жакын досторуна жан тартып жатышты.

Иш-чаранын жүрүшүнөн...

"Спорт сүйүүчүлөрү-1" категориясынын катышуучусу. (8 айга чейин машыккан)

Калыстар тобу көрүүчүлөрдүн арасында отурушту.

Мелдештин катышуучуларынын өнөрлөрүн тажрыйбалуу 6 калыс баалады.

Бул мелдеш төртүнчү ирет өтүп жатканын уюштуруучулар кабарлашты.

Мелдеш Чыңгыз Айтматов атындагы Орус драма театрында өттү.

20-сентябрда Бишкектеги Чыңгыз Айтматов атындагы Орус драма театрында шыргый менен коштолгон акробатика боюнча 4-республикалык чемпиондук өттү.

Анда жалпысынан 30дан ашуун спортчу катышты. Алар тажрыйбага жана акробатиканын түрүнө ылайык бөлүнүп, төмөнкү 5 категория боюнча күчтөрүн сынашты:

1) “Спорт сүйүүчүлөрү-1” категориясы (8 айга чейин машыккандар);

2) “Спорт сүйүүчүлөрү-2” (8 айдан 1,5 жылга чейин машыккандар);

3) “Артисттик” (артисттик өнөргө көбүрөөк көңүл бурулган номер);

4) “Акробатика” (күч менен коштолгон ыкмаларга көбүрөөк көңүл бурулган номер);

5) “Эркектердин акробатикасы”;

6) Дуэттер (эки адам катышкан номер).

Мелдештин жыйынтыгында “Спорт сүйүүчүлөрү-1” категориясында Наталья Бережная, Анастасия Слугина жана Валерия Шустова жеңүүчү болушту. “Спорт сүйүүчүлөрү-2” категориясынын мыктыларынын катарына Асел Ибраева, Виктория Глущенко жана Кайыргүл Жакшылыкова киришти.

Калыстар тобу шыргыйда эң мыкты артисттик номерлерди көрсөткөн деп Каныкей Сейтказиева, Ольга Самченко жана Майя Пахомованы сыйлашты. Ал эми эң оор болуп саналган “акробатика” категориясы боюнча Елена Бертхольд жеңишти багынтты. Анын атаандаштары Юлия Барткевич, Ася Багдасарова күмүш жана коло медалдарга ээ болушту.

"Уландардын акробатикасы" категориясында судьялар Рустам Дөөлөткуловду, Темирлан Маматовду жана Файз Орозбаевди мыкты деп табышты. Ал эми мелдешке катышкан 2 дуэттен Ксения Балакирева жана Екатерина Шевцованын номери калыстарга гана эмес, жалпы көрүүчүлөргө да жакты.

Айта кетсек, шыргый менен коштолгон акробатика боюнча Республикалык чемпиондук 2010-жылы башталган.