"Борбор калаанын тургунун ок атуучу курал менен коркутуп, зордуктаган" деп шектелип 22 жаштагы жаран кармалды

"Борбор калаанын тургунун курал менен коркутуп, зордуктаган" деп шектелип 22 жаштагы жаран кармалды. Бул тууралуу Бишкек ШИИББинин басма сөз кызматы бүгүн, 23-сентябрда билдирди.

Маалыматтарга караганда, милицияга Бишкек шаарынын Жазгүл аттуу тургуну кайрылып, 20-25 жаштагы белгисиз адамдар үйүнө кирип келип, ок атуучу курал менен коркутуп, күч колдонуп зордукташкандыктарын кабарлаган. Кылмыштын бетин ачуу үчүн жүргүзүлгөн иш-аракеттердин натыйжасында аталган кылмышка шектүү катары борбор калаанын 22 жаштагы Азамат аттуу тургуну кармалган. Учурда иликтөө уланууда.

Автор: Мирлан Өмүралиев