"Дүйнөнүн мыктысы алуучу "Алтын топ" байгесин быйыл германиялык футболчу алууга тийиш" дейт Мишель Платини

УЕФАнын президенти Мишель Платини дүйнөнүн мыкты футболчусуна ыйгарылуучу “Алтын топ” байгесин быйыл Германия курама командасынын өкүлү алуусу керек экенин билдирди. Бул тууралуу чет элдик маалымат булактары кабарлайт.

“Мен “Алтын топ” ээсин аныктоого багытталган добуш берүүгө катышпайм. Бирок бул сыйлыктын ээси Дүйнө чемпиондугун уткан Германия курамасынын өкүлү болууга тийиш. Ошентсе да Месси менен Роналду алдынкы үчтүккө кире турганынан шегим жок”,- дейт Платини.

Кошумчалай кетсек, “Алтын топ” байгесине талапкер 23 футболчунун тизмеси 28-октябрда жарыяланат. ФИФАга мүчө болгон Улуттук курамалардын машыктыруучуларынын жана капитандарынын добуш берүүсүнөн кийин дүйнөнүн мыкты футболчусунун аты аталып, сыйлык 2015-жылы тапшырылат.

Автор: Максат Кудайбердиев
Фото: Интернеттен алынды