Футбол боюнча өлкө биринчилигинде Ош шаарынын “Алай” командасы Бишкекте “Алганы” 3:1 эсебинде утуп алды

Бүгүн, 21-октябрда футбол боюнча өлкө чемпиондугунда бишкектик “Алга” менен Ош шаарынын “Алай” командасы беттешти. ТОП-Лиганын экинчи айлампасынын алкагында уюшулган оюн Дөлөн Өмүрзаков атындагы стадиондо орун алды. Анда 1:3 эсеби катталып, “Алай” жеңишке жетишти.

“Алганын” акыркы оюнда лидер “Дордой” менен 1:1 эсебинде тең ойногонун, ага чейин канттык “Абдыш-Атаны” конокто 0:2 эсебинде утуп алганын эске алсак, бул беттештеги эсеп көптөр үчүн күтүүсүз болду. Себеби "Алай" аталган эки командага тең утулуп калган эле. Ошентсе да Бишкекте катары менен 3 оюн өткөрүү үчүн келген “Алай” командасы башкы стадиондо жеңишке жетишип, сенсация жаратты. Бул жыйынтык менен “Алайдын” футболчулары ТОП-Лигада 3-орун үчүн болгон күрөштү кайрадан жанданта алышты.

Автор: Максат Кудайбердиев
Фото: Максат Кудайбердиев