Бүгүн футбол боюнча өлкө чемпиондугунда “Дордой” менен “Абдыш-Ата” беттешет

Бүгүн, 22-октябрда Бишкектеги “Дордой” спорткомплексинде футбол боюнча өлкө чемпиондугунун кезектеги турунда “Дордой” менен “Абдыш-Ата” беттешет. Бул тууралуу Кыргызстандын Футбол Лигасынан кабарлашты. Беттеш 15:30да башталат.

Кошумчалай кетсек, бул күнү “Дордой” жеңишке жетише турган болсо, мөөнөтүнөн мурда чемпион болууга олуттуу кадам таштайт. Учурда бул клуб карамагындагы 41 упай менен мелдеште алдынкы сапта келүүдө. Ал эми “Абдыш-Ата” 16 оюнда 36 упай топтоп, 2-орунда келе жатат.

Автор: Максат Кудайбердиев