Көк-Суу жайлоосунда дайынсыз жоголгон жарандарды издөө иштери натыйжа бере элек

Үстүбүздөгү жылдын 1-октябрында Көк-Суу жайлоосуна кетип дайынсыз болуп жаткан жарандарды издөө иштери натыйжа бере элек. Бул тууралуу ӨКМнын басма сөз кызматынан билдиришти. Маалыматка ылайык, 21-октябрь күнү КРнын ӨКМнын Республикалык өзүнчө куткаруу отрядынын 8 куткаруучусу жана дайынсыз жоголгон адамдардын туугандарынан 2 адам тартылып, издөө иштерин жүргүзгөн. Куткаруучулар жана туугандары издөө иштерин токтотушуп, саат 18:30дар чамасында туруктуу ордуларына кайтып келишти.

Эске салсак, Сузак районуна караштуу Барпы айыл аймагындагы Түрк-Абад айылынын тургундары Мурзалим Сариков менен Арипжон Маматалиев 1-октябрында Нарын облусунун Ак-Талаа районунун Көк-Суу жайлоосуна кой айдап чыгып кетишкен бойдон дайынсыз. Ошондон бери издөө-куткаруу иштери жүргүзүлүп келүүдө.

Автор: Мальвина Уметбекова