Бишкек шаарынын тургуну 5 килограммга жакын баңгизат менен кармалды

Баткен облусунда 5 килограммга жакын баңгизат менен Бишкек шаарынын тургуну кармалды. Бул тууралуу Ички иштер министрлигинин Ош шаары жана Ош облусундагы башкы башкармалыгы бүгүн, 27-октябрда билдирди.

Маалыматка караганда, 24-октябрь күнү күч органдары тарабынан Ош-Ноокат унаа жолунда Тойота Эллион унаасы токтотулган. Анын ичинде Бишкек шаарынын 1988-жылы туулган тургуну болгон. Текшерүүнүн жүрүшүндө унаадан 5 килограммга жакын гашиш табылган. Кармалган адамдын мурда аткезчилик боюнча издөөдө жүргөнү аныкталды. Учурда бул боюнча кылмыш иши козголуп, тергөө амалдары жүрүүдө.

Автор: Бекжан Рыскулов