Бишкек шаарындагы өрт кырсыгынан 1 адам каза тапты

Бишкек шаарындагы өрт кырсыгынан 1 адам каза тапты. Бул тууралуу ӨКМнын басма сөз кызматы бүгүн, 31-октябрда билдирди.

Маалыматка караганда, бүгүн түнү шаардагы М.Горький көчөсүндөгү турак үйлөрдүн биринде өрт чыккан. Анын кесепетинен үйдүн жанындагы сарайдын чатыры, буюмдар күйгөн. Ошондой эле өрт чыккан жерде аты-жөнү, жынысы белгисиз адамдын күйгөн сөөгү табылган. Тилсиз жоонун келип чыгышына отко карата этиятсыздык себеп болгон.

Мындан сырткары Кызыл-Кыя шаарындагы шахталардын биринде өрт чыкты. Маалыматка караганда, өрт кырсыгы кечээ, 30-октябрь күнү саат 09:58 чамасында “Беш-Бурхан шахтасы” ишканасына таандык шахтада катталган. Окуя болгон жерге Өзгөчө кырдаалдар министрлигинин куткаруучулары барышып, өрттү өчүрүшүп, тосмо орнотуп беришкен. Учурда өрттүн келип чыгуу себеби такталууда.

Автор: Бекжан Рыскулов