Каныбек Осмоналиев, Канатбек Бегалиев баштаган спорт ишмерлери спортчу-чек арачыларга жолугуп, кеп-кеңештерин айтышты

Бүгүн, 4-ноябрда Новопокровка айылындагы Кесипкөйлүктү жогорулатуу борборунда кыргыз спортунун көрүнүктүү өкүлдөрү Каныбек Осмоналиев, Бахадыр Кочкаров, Айсулуу Тыныбекова, Алексей Федосеев жана Канатбек Бегалиев мыкты спортчу-чек арачылар менен жолугушту. Спортчулар алдыда чек ара мекемелери арасында өтө турган мелдештердин алдында чек арачыларга моралдык колдоо көрсөтүшүп, тажрыйбалары менен бөлүшүүдө.

Өз кезегинде иш-чарага КРнын Мамлекеттик чек ара кызматынын төрагасынын орун басары, полковник Таалайбек Усубалиев да катышып, спорт ишмерлерине жана спортчуларга ыраазычылык билдирди. “Сиздердин кеп-кеңештериңиздер биздин жаштарга шык берет деп ишенем”,- деп кошумчалады ал.

Айта кетсек, 10-13-ноябрь аралыгында Алматы шаарында КМШ өлкөлөрүнүн чек ара ведемстволору арасында самбо боюнча биринчилик өтөт. Кыргызстандын Мамлекеттик чек ара кызматынан бардык салмактардан спортчулар аттанышмакчы.

Автор: Максат Кудайбердиев
Фото: Максат Кудайбердиев