Месси Чемпиондор Лигасында 71 гол киргизип, Раулдун рекордун кайталады

“Барселона” футболдук клубунун чабуулчусу Лионель Месси УЕФАнын Чемпиондор Лигасынын 4-турунда “Аякстын” дарбазасына 2 гол киргизди. Бул голдорду эсепке алганда Мессинин аталган лигада киргизген голдорунун саны 71ге жетти. Бул тууралуу УЕФАнын расмий сайты кабарлайт.

Маалыматка ылайык, Месси менен “Реалдын” экс-чабуулчусу Раулдун эсебинде эми 71ден гол болду. Рауль карьерасын жыйынтыктаганына байланыштуу Мессинин бул рекордду жакында жаңылоосу күтүлүүдө. Ошол эле учурда “Реалдын” чабуулчусу Криштиану Роналдунун эсебинде да 70 гол бар.

Автор: Максат Кудайбердиев
Фото: Интернеттен алынды