Журналист Уланбек Дыйканбаевди унаа сүзүп, ал беш күндөн бери оор абалда жатат. Анын жубайы тергөөчү да, сүзгөн адам да кабар албаганын айтты

Улан Дыйканбаевдин жубайы Анара Мамбеталиева.

Журналист Уланбек Дыйканбаев.

"Күйөөмдүн абалы оор, ал дале өзүнө толук келе албай жатат. Дарыгерлер анын баш сөөгү, далысы, акыреги сынганын айтышууда. Ооруканага түшкөнүнө 5 күн болду, бирок тергөөчү да, сүзүп кеткен адам да келип кабар алган жок",- дейт 6-ноябрь күнү оор жаракат алып ооруканада жаткан КТРКнын журналисти Уланбек Дыйканбаевдин жубайы Анара Мамбеталиева.

Бүгүн, 10-ноябрда SUPER.KG порталына жабырлануучунун жубайы билдиргендей, окуя 6-ноябрь күнү кечки саат 21:30 чамасында Тоголок-Молдо - Пржевальский көчөлөрүнүн кесилишинде болгон.

"Күйөөм "жумуштан чыккам, үйгө жеткени калдым, азыр кирем" деп чалган. Андан кийин эле телефону өчүп калды. Көп өтпөй сыртка чуркап чыксам, күйөөмдү “Тез жардам” алып кетип жатыптыр. Ал эми аны сүзгөн айдоочу 55-60 жаштар чамасындагы орус улутундагы киши болчу. Окуя болгон күнү ал ооруканада жүргөн, андан кийин көрө элекмин”,- дейт журналисттин жубайы Анара Мамбеталиева.

Маалым болгондой, учурда дарыгерлер Уланбек Дыйканбаевдин башына кан уюп калгандыгын айтышууда. Ошондой эле жабырлануучунун башына оор операция жасалуусу күтүлүп жатат.

“Менин билишимче, Уланды сүзүп кеткен унаа айып пул төлөөчү жайга жайгаштырылган. Ал эми айдоочунун өзүнөн эч кандай кабар жок. Учурда күйөөмдүн дары-дармектеринин чыгымдарын анын кесиптештери алып берип жатат. Күйөөм эртерээк сакайып кетсе болду”,- дейт Мамбеталиева.

Автор: Мальвина Уметбекова

12:34 10-11-2014

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (9)

Arti

2014-11-10 12:45:39

Сакайып кетсин. Кырсыкпы же бироонун буюртмасыбы? Сак болгулачы деги. Аман-эсен айыпгып кетсин.

Aelit

2014-11-10 13:27:56

Сакайып кетсин!Жаратканыбыз озу шыпаасын берсин!!! Тиги сузгон айдоочу "Мелистердин"туугандары,тааныштары болсо,анда акыйкат жок!!!"Жолдошунуз машинаны озу сузгон"деп жыйынтык чыгарып берип коет.Эгер ошондой болсо, тан калыштын кажети жок, азыр ошолордун заманы!!!Кудайдан коркпогон "М"дер,бир гана акыретте жооп берет!!!

tengara

2014-11-10 13:30:28

эртереек кылмышкер табылып оз жазасын алсын...
Уланбекке тез сакайып кетишин тилеп,жубайына сабырдуулук каалайм.

Akshumkar

2014-11-10 14:41:26

Сакайып айыгып кетсин эртерээк когултур экрандан кутобуз, орусту ороого салыш керек

narjan

2014-11-10 14:55:48

Сакайып кетсин

Aksy-13

2014-11-10 18:12:03

Озу да аялы да татынакай эмелер экен.Этерээк сакайып кетсин.

kg.sity93

2014-11-10 18:41:07

Сакайып кетсе экен.кудайым оз шыпаасын берсин..

ayaza

2014-11-10 21:52:58

Эртерээк сакайып кетсе экен(.

Zulya2

2014-11-11 00:26:38

Кудайым оз шыпаасын берсин. Эмнеге журналистер Тоголок Молдо кочолорундо кырсыка учурайт м Сыргак...

Комментарий калтыруу үчүн өз ысымыңыз менен кириңиз же каттоодон өтүңүз.