Бишкекте 1 жаш 8 айлык баланы сүзүп, качып кеткен айдоочу кармалды

Бишкекте 1 жаш 8 айлык баланы сүзүп, качып кеткен айдоочу кармалды. Бул тууралуу бүгүн, 18-ноябрда Бишкек ШИИББинин Жол-кайгуул кызматы билдирди.

Маалыматка караганда, учурда тиешелүү материалдар топтолуп, тергөө бөлүмүнө өткөрүлүп берилди.

Айта кетсек, жол кырсыгы 12-ноябрь күнү саат 10:00 чамасында Киев жана К.Акиев көчөлөрүнүн кесилишинде болгон. Анда бала багуучу менен 1 жаш 8 айлык баласын катуу ылдамдыкта келе жаткан Мерседес үлгүсүндөгү унаа сүзүп, айдоочу окуя болгон жерден из жашырып кеткен. Анын кесепетинен ымыркай асфальтка башы менен тийген. Ал эми бала багуучунун буту сынган.

Автор: Бекжан Рыскулов