Ош облустук казыяты: Түркбай Полотов кызматынан пайдаланып, кетирген одоно катачылыктары үчүн жумушунан алынган

Алдамчылыкка шектелген Түркбай Полотов былтыркы ажылык иштери боюнча кармалды. Бул тууралуу бүгүн, 18-ноябрда SUPER.KG порталына Ош облусунун мусулмандарынын казыяты билдирди.

Маалыматка караганда, Түркбай Полотов Ош облусунун мусулмандарынын мурдагы казысы С.Гапуров тарабынан 2013-жылдын 22-январында №47-буйруктун негизинде жумушка алынып, ошол эле казынын учурунда кызматынан пайдаланып, кетирген одоно катачылыктары үчүн 2013-жылдын 14-ноябрында №92-буйругу менен жумуштан бошотулган. Ал 2013-жылкы ажылык иштери боюнча айыпталууда.

Айта кетсек, күч органдарына Баткен районунун 42 жаштагы тургуну кайрылган. Анда ал өзүн “ажы башымын” деп тааныштырган Түркбай аттуу адам ажыга жөнөтүү үчүн 2400 доллар алып, убадасына турбаганын айткан. Ушундай эле арыз менен Баткен районунун дагы 3 жараны кайрылган. Алардан жалпы 8800 доллар алган. Бул боюнча иликтөө иштери жүрүп, кылмышка шектүү катары 56 жаштагы Кара-Суу районунун тургуну, Ош облусунун мурдагы казыятынын кеңешчиси Түркбай Полотов аттуу жаран кармалган. Ал буга чейин 3 жолу ажыга барып келген. Ошондой эле анын Ош облусунда 7 адамды алдаганы аныкталган. Кылмышка шектүү ажыга кете турчу рейсти билип, алданган жарандарды бир күн өткөн соң аэропортко чакырган. Кийин “биз рейстен кечигип калыптырбыз” деп кутулган. Эгер ким бул жарандан жабыркаса, милиция кызматкерлерине кайрылса болот.

Автор: Бекжан Рыскулов
Фото: Ош ШИИБи

15:56 18-11-2014

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (2)

Abdullah16

2014-11-18 16:08:08

Ушуга окшогон афиристердин айынын жакшы жургон молдекелерге соз тийип жатат. Муну омур бою турмодо отургузуш керек болбосо бул алдамчылыгы менен далайн сыздатат.

fanfan-sansan

2014-11-19 23:06:47

мына уч жолу ажыга барып, казынын кенешчиси болгон адамдын кылган кылыгы... Муфтиятта ири акчалар айланып ошонун айынан касташуу, место талашуу орун алганы айтылып келет... Ойлоносун, казы-имамдар эл козуно такыба корунгону менен акчанын кулубу деп... Анан элдин динге болгон ишеничи азаят да....

Комментарий калтыруу үчүн өз ысымыңыз менен кириңиз же каттоодон өтүңүз.