Кыргызстанда жылына 3 миңге жакын жер титирөө учурлары катталат, 2015-жылдын январь айында да жер титирөө күтүлүүдө

Сейсмология институтунун директору Канатбек Абдрахматов.

Өлкө аймагында жыл сайын 3 миңге жакын жер титирөө учуру катталат. Бул тууралуу бүгүн, 18-ноябрда SUPER.KG порталына Сейсмология институтунун директору Канатбек Абдрахматов билдирди.

“Статистика боюнча, Кыргызстанда 3 миңге жакын жер титирөө катталат. Алар күчтүү эмес, ошол себептен улам алардын көбү сезилбейт. Алардын көбү тоолуу аймактарда катталат жана күчү 5-6 баллга чейин жетсе, ал жакка жакын айылдарда 3 баллга чейин жетет”,- дейт К.Абдрахматов.

Анын айтымында, жыл сайын 3 маалда жер титирөө учуру катталат: декабрь-январь, май-июнь жана сентябрь айлары. Ушул жылдын декабрь айында, ошондой эле 2015-жылдын январь айында жана июнь айынын башында жер силкинүү учуру катталышы ыктымал.

“Кыргызстанда акыркы катуу жер титирөө 1885-жылы катталып, анын күчү 9 баллга жеткени айтылат. Мындай күчтүү зилзала өлкө аймагында дагы миң жылдан кийин кайталанышы мүмкүн. Себеби, статистика боюнча, мындай катуу жер титирөө 3-5 миң жылда бир кайталанат. Жалпы картаны карасак, Кыргызстанда 9 баллга жетчү зилзала болушу мүмкүн, бирок анын болуу мүмкүнчүлүгү 1 пайыздан төмөн”,- дейт К.Абдрахматов.

Белгилүү болгондой, 2016-2018-жылга чейин сейсмикалык активдүүлүк болот. Андан соң 2020-жылга чейин республика аймагында сейсмикалык тыныгуу күтүлөт. Ал эми 2020-жылдан баштап 2026-жылга чейин кайрадан сейсмикалык активдүүлүк башталмакчы.

Автор: Мальвина Уметбекова
Фото: Интернеттен алынды

16:58 18-11-2014

Жазылуу

РУБРИКАДАГЫ СОҢКУ КАБАРЛАР

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 149 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 163 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1152 0

21:48 2025-05-14 | Түркүн дүйнө

Атактуу блогер Гусейн Гасановго издөө жарыяланды 1013 0

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 1155 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 899 0

Архив

Комментарийлер (5)

Taalai_kg

2014-11-18 17:15:48

бир кудайым билет адам баласынын колунан эч нерсе келбейт жаратканым бизди боодо кырсыктан сактксын

arisim

2014-11-18 17:31:46

Кудайым бизди айтырбай келген кырсыктан сактасын эртенки кунубуз эмне болорун бир гана Алла таала билет.

temirov76

2014-11-18 17:41:06

АЛЛАХ сактасын,тообо келтирип журолук.

danyshman

2014-11-18 20:13:54

Аллах озун сактай кор

Kairych

2014-11-19 09:54:06

Жер титироону алдын ала турган кандайдыр бир аппарат адам баласы тарабынан ойлонуп чыгарыла элек. Ошондуктан, жогоруда аталгандын баардыгы мурунтадан бери келе жаткан статистиканын негизинде гана алынган маалымат болуусу керек.

Комментарий калтыруу үчүн өз ысымыңыз менен кириңиз же каттоодон өтүңүз.