Бишкекте көк бөрү боюнча 3 команданын катышуусундагы өлкө биринчилиги башталды

Бүгүн, 19-ноябрда Бишкектеги “Аккула” ат майданында көк бөрү боюнча өлкө биринчилиги старт алды. Бул тууралуу уюштуруучулар кабарлашты.

Маалыматка ылайык, бул жылкы өлкө биринчилигине 3 гана команда катышат. Спорт ишмерлери билдиргендей, бул быйылкы сезондун татаал болгону менен байланыштуу. Анткени быйыл улакчылар мартта Нооруз майрамында атайын мелдешке, майда Жеңиш күнүнө арналган мелдешке, августта президенттин кубогуна арналган мелдешке, сентябрда Бүткүл дүйнөлүк көчмөндөр оюндарына катышты.

Кошумчалай кетсек, көк бөрү боюнча жылдын жыйынтыктоочу мелдеши жыл сайын кеч күздө уюшулуп келет.

Автор: Максат Кудайбердиев
Фото: Интернеттен алынды