Боксчу Мэнни Пакьяо атаандашын 6 ирет нокдаунга учуратканына карабай упай эсебинде жеңишке жетишти

23-ноябрь күнү Кытайда филиппиндик боксчу Мэнни Пакьяо италиялык Крис Алгиери менен беттешип, WBO версиясы боюнча Дүйнө чемпиондугу наамын сактап калды. Бул тууралуу чет элдик маалымат булактары кабарлайт.

Маалыматка ылайык, беттештин алгачкы раунддарынан тарта эле үстөмдүгүн орнотуп, беттештин жүрүшүн көзөмөлүнө алды. 12 раундга созулган беттештин жүрүшүндө Пакьяо атаандашын 6 ирет нокдаунга учуратты. Ал эми Алгиери акыркы раунддарды коргонууну бекемдөө менен гана алек болуп, дээрлик чабуул уюштурган жок. Жыйынтыгында 3 каптал калыстын чечими менен Мэнни Пакьяо упай эсебинде жеңишке жетишти (119:103, 119:103, 120:102).

Кошумчалай кетсек, Пакмен атка конгон филиппиндик мушкер 57 беттеш өткөрүп, анын 50сүндө жеңишке жетишкен. Анын карамагында 2 тең чыгуу жана 5 жеңилүү бар.

Автор: Максат Кудайбердиев
Фото: Интернеттен алынды