Барган сайын өлкөдө аялдар менен эркектердин тукумсуздук белгилери көбөйүп жатат

Барган сайын өлкөдө аялдар менен эркектердин тукумсуздук белгилери көбөйүп жатат. Бул тууралуу кечээ, 24-ноябрда Ош мамлекеттик университетинде “Жарандардын тукум улоо укуктары жана аларды ишке ашыруунун кепилдиктери жөнүндө” мыйзамдын жаңы редакциясы боюнча коомдук угууда Жогорку Кеңештин Социалдык саясат боюнча комитетинин төрайымы Дамира Ниязалиева билдирди.

Анын айтымында, жыныстык оорулар, тукумсуздук аялдарга эле эмес, эркектерге да таандык нерсе.

“Аялдар жакшыбы-жаманбы, врачтарга барып дарыланышат. Ал эми эркектер дарыгерге кайрылганды жаман көрүшөт”,- дейт Ниязалиева.

Ошондой эле депутат барган сайын өлкөдө аялдар менен эркектердин тукумсуздук белгилери көбөйүп жатканын белгиледи. "Төрөт курагындагы аялдардын 15 пайызы баласыз калат. Алар бала асырап алышса болот. Бирок көбүнчө аялдар айыпталып, үй-бүлөлөр бузулуп, ажырашканга чейин барышат. Ошондуктан үй-бүлөнү сактап калыш үчүн "карын эне" ыкмасын айласыздан колдонууга мажбур болууда. Буга ар бир үй-бүлөнүн укугу бар.

"Карын энелик" келишим түзүлүп жаткан учурга карата 40 жашка чейинки курактагы (иштеп жаткан мыйзамда 35 жашка чейин), жок дегенде бир бала төрөгөн аял гана "карын эне" боло алат (18-берене). Коомдук угуулардын жүрүшүнүн учурунда "карын энелик" ыкма коммерцияга жол ачып, бизнеске айланып кетет дегендей ойду айтышты. Биз алдыга карашыбыз керек. "Карын энелик" - тукумсуз калып жаткан үй-бүлөнүн акыркы айласы”,- дейт депутат.

Автор: Бекжан Рыскулов

08:22 25-11-2014

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (4)

danyshman

2014-11-25 09:57:42

Ушул тукумсуздук Кытайдын продукцияларынын айынан болуп жатат,кытайлар айткан да согушбай туруп тукум курут кылып жок кылам деп.

temirov76

2014-11-25 10:22:41

danyshman, туура айтасын бир эле тукумсуздук эмес ооруунун баары ушул кытай тамагынан болуп жатат менимче,кыргызстанда иштеген кытайлар азык тулугуну кыргызстандан сатып албай кытайдан алып келип жешет деп уккам.

Ayka1994

2014-11-25 16:00:12

Карын эне деген ал эмнеси экен? Тукумсуздуктан кутулуунун негизги жолу озубуздун адал жана улуттук тамактар менен тамактансак, уюлдук телефонду жаныбызга жакын алып журбой(шымдын чонтокчосуно салбай телефон салып журуучу кутуча менен которсок жыныс жолдорубузду зыяндуу нурунан сактасак) бул тукумсуздук бизге зыянын тийгизе албайтго деп ойлойм
Сактанганды сактаймын дейт эмеспи кудайда озубузду озубуз азыртан абайлайлы

Christina

2014-11-25 16:43:52

Ayka1994, карын эне-суррогатная мать

Комментарий калтыруу үчүн өз ысымыңыз менен кириңиз же каттоодон өтүңүз.