Ысык-Көл облусунда жеңил унаа менен жүк ташуучу унаа сүзүшүп, эки адам каза тапты

Ысык-Көл облусунун Тоң районунда жол кырсыгы катталып, 2 адам каза тапты. Бул тууралуу бүгүн, 1-декабрда ӨКМнын басма сөз кызматы билдирди.

Маалыматка караганда, жол кырсыгы 29-ноябрда саат 17:00 чамасында Балыкчы-Каракол жолунун 15-чакырымында болгон. Анда Тойота Аллион үлгүсүндөгү унаа менен МАН үлгүсүндөгү жүк ташуучу унаа сүзүшкөн. Кырсыктын кесепетинен 2 адам каза болуп, 2 адам жаракат алган.

Окуя болгон жерге куткаруучулар барышып, кыпчылып каза болгон адамдарды унаадан чыгарып туугандарына, жабыркаган адамдарды "Тез жардам" кызматына өткөрүп беришкен.

Автор: Бекжан Рыскулов