Бүгүн эртең менен Казарман – Нарын унаа жолуна кар көчкү түшүп, убактылуу жабылды

Казарман – Нарын унаа жолу кар көчкүдөн улам убактылуу жабылды. Бул тууралуу Транспорт жана коммуникациялар министрлигинин басма сөз кызматы бүгүн, 8-декабрда билдирди.

Маалыматка караганда, кечээ, 7-декабрь күнү саат 18:30 чамасында аталган жолдогу Кара-Көө ашуусуна болжол менен 800 метр куб кар көчкүсү түшүп, жол убактылуу жабылган. Кар көчкүнү тазалоого 1 бульдозер жана 1 жүктөгүч тартылып, саат 22:20да унаа жолу толугу менен тазаланып, ачылган эле. Бирок бүгүн эртең менен 500 метр куб кар көчкү түшүп, унаа жол убактылуу жабылды. Учурда тазалоо иштери жүрүп жатат.

Автор: Бекжан Рыскулов