Кыргызстанда кышкы спорт түрлөрү боюнча адистештирилген мектеп ачуу пландалууда

Кыргызстанда кышкы спорт түрлөрү боюнча адистештирилген мектеп ачуу пландалууда. Бул тууралуу Дене тарбия жана спорт мамлекеттик агенттигинин директору Кадырбек Эргешов кечээ, 18-декабрда жаш хоккейчилерди узатууга багытталган иш-чаранын жүрүшүндө билдирди.

Анын айтымында, атайын адистешкен мектепти ачуу кийинки жылга пландалууда. Ошондой эле хоккей боюнча ийримдер да ишке кирет. “Бул Кыргызстанда кышкы спорт түрлөрүнүн өнүгүшүнө жакшы шарт түзөт”,- деп кошумчалады К.Эргешов.

Автор: Максат Кудайбердиев
Фото: Нурдин Султамбаев