Тоң районунда 14 жаштагы кызды сатуу фактысы боюнча учурда териштирүү иштери жүрүүдө

Ысык-Көл облусунун Тоң районунда 14 жаштагы кызды сатуу фактысы боюнча учурда териштирүү иштери жүрүүдө. Бул тууралуу бүгүн, 22-декабрда SUPER.KG порталына Ысык-Көл облустук ички иштер башкармалыгынын басма сөз кызматынын жетекчиси Сталбек Усубакунов билдирди.

"Жети-Өгүз айылынын 14 жаштагы Мээрим аттуу тургуну үйүнөн качып кетип, көп убакыттан бери ата-энесине кайда экендигин билдирбей келген. Ал Боом капчыгайындагы “Жол-Булак Евразия” кафесинде официант болуп иштеп жүргөн. Ал кафенин ижарачысы Элиза жана анын күйөөсү Канат аттуу жарандар ал кызды ошол аймакта жашаган Нурлан аттуу айдоочу менен тааныштырган. Жолугушуунун алкагында Нурланга Мээримди 19 жашта деп айтышкан. Андан соң кафенин ижарачысы Элиза күйөөсү экөө Мээримдин алыс тууганы Таштан аттуу жаран менен сүйлөшүп, ал кызды 15 миң сом жана 1 койго күйөөгө сатып жиберген",- дейт С.Усубакунов.

Белгилүү болгондой, Мээрим аттуу кызды болочок күйөөсүнүн үйүнө алып келгенде Нурландын туугандары жана анын апасы кыздын ата-энеси, туугандары тууралуу сурашкан. Сүйлөшүү учурунда Мээрим 19 жашта эмес, 14 жашта экенин билишип, кафенин ижарачысы Элиза, анын күйөөсү Канат жана Таштан аттуу жарандын үстүнөн арыз жазышып, милицияга кайрылган.

“Териштирүү иштеринин натыйжасында Мээримдин апасы, Таттыбүбү аттуу аял табылып, Мээримдин жашы жете электигине байланыштуу анын ордуна апасы арыз жазган. Кыздын өткөөл мезгили болгондуктан, ал үйүнөн качып кеткен болуш керек, ал 28-октябрдан бери ата-энесине дайынын билгизбей келген. Ал өзүнүн жашынан чоң көрүнгөндүктөн, Нурлан аттуу жаран аны 19 жашта деп ойлоп алган болушу мүмкүн”,- деди С.Усубакунов.

Учурда бул иш боюнча иликтөө иштери жүрүүдө, бир нече сааттын ичинде жыйынтыгы чыгат. Ага ылайык, кылмыш ишин козгоо боюнча маселе каралып, күнөөлүүлөр жоопко тартылмакчы.

Автор: Мальвина Уметбекова

13:44 22-12-2014

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (3)

zara__

2014-12-23 14:24:14

Ата-энеси кандай адамдар кызынан кабар албаган,кызы качан куйоого тиерде пайда болуп. Кудай тообо!!!

Alina1984

2014-12-26 08:44:16

Ал биздин айылга келин болуптур,менин жолдошум ошол Нурландын уйуно жумуштап барып коруптур ал келинди сооктуу бою узун кыз екен деди го 14 жаштагыдай корунбойт дейт,Нурландын ежеси почтада иштейт,андан акча алганы барсам ,ой емне келининер кетип калды десем озу бизге 1995жылкымын деп айткан,анан еле кетем деп калыптыр деди ,жеткирип келишиптир,ал Нурланды емес берки саткандарды жоопко тартыш керек ,Милициялар айтып атыптыр Нурланга. ,70000мин берсен ишинди жабабыз деп,аны мага ежеси айтты

Alina1984

2014-12-26 08:48:34

Анан да мен да тан калам,кандай таш боор ата ене кызын издебеген,оздору да ичкен уй було болсо керек да,болбосо тоок же ит жоголсо да издейбиз го,анан да жашы жетелек болсо кантип журогу чыдап жатышты билбейм,мисалы менин жолдошум Алабай деген кучугу жоголгондо 3кун айылды кыдырып издеген,еми адамбыз го ит емес

Комментарий калтыруу үчүн өз ысымыңыз менен кириңиз же каттоодон өтүңүз.