Футбол боюнча Кыргызстандын жаштар курамасы казакстандык “Таразды” 2 жолдоштук беттешүүдө тең утуп алды

21 жашка чейинки футболчулардан түзүлгөн Кыргызстан курама командасы 2015-жылкы Шериктештик Кубогу мелдешине даярдыгынын алкагында 21-22-декабрь күндөрү казакстандык “Тараз” клубу менен 2 жолдоштук беттеш өткөрүштү. 2 беттеште тең кыргызстандыктар 2:0 эсеп айырмачылыгында жеңишке жетишишти. Алгачкы беттеште Бахтияр Дүйшөбеков менен Виктор Кельм айырмаланса, экинчи оюнда жеңиш голдорун Мирбек Акматалиев менен Фархад Мусабеков киргизди. Бул тууралуу КРнын Футбол федерациясынан кабарлашты.

Кошумчалай кетсек, 2015-жылкы Шериктештик Кубогу 16-25-январь аралыгында өтөт. Анда Кыргызстан жаштар курама командасы “В” тайпасында Молдавия, Орусия жана Латвия курамалары менен кез келет.

Автор: Максат Кудайбердиев
Фото: Интернеттен алынды