Акыркы суткада өлкө аймагында 18 өрт кырсыгы катталып, Кант шаарында аянты 90 чарчы метр келген курулуш чарба толугу менен күйгөн

Жарандык коргонуунун Өрткө каршы күрөшүү кызматынын маалыматына ылайык, акыркы сутка ичинде өлкө аймагында 18 өрт кырсыгы катталган. Бишкек шаарында 3, Чүй облусунда 4, Ош облусунда 5, Ош шаарында 1, Жалал-Абад облусунда 3, Ысык-Көл облусунда 2 өрт кырсыгы болгон.

Чүй облусунун Ысык-Ата районуна караштуу Кант шаарында жыгач устундуу, шифер жабылган, аянты 90 чарчы метр келген курулуш чарбасы толугу менен, 1 тонна көмүр жана 2 куб отун күйгөн. Себеби такталууда. Үйдүн ээси, 1960-жылы туулган Зулхумар Наврузова 1-2-даражадагы эки колунан күйүк алып, ооруканага кайрылгандан баш тарткан.

Автор: Максат Кудайбердиев