Оор атлетика боюнча жаштар арасындагы Азия биринчилигинде кыргызстандык спортчу Урмат Сыргабаев күмүш медаль тагынды

Катарда оор атлетика боюнча өтүп жаткан жаштар арасындагы Азия биринчилигинде кыргызстандык спортчу Урмат Сыргабаев 85 килограмм салмакта 2-орунду ээледи. Бул тууралуу бүгүн, 5-январда SUPER.KG порталына КРнын Оор атлетика федерациясынын вице-президенти Улан Молдодосов кабарлады.

Анын айтымында, 77 килограмм салмактык бөлүктө күч сынашкан Курсант Төлөнов 9-орунду ээлеп калды. Кошумчалай кетсек, мелдеш 7-январда аяктайт.

Автор: Максат Кудайбердиев
Фото: Улан Молдодосов