Өткөн суткада 13 өрт кырсыгы катталып, Таласта тамеки чегүүдөгү этиятсыздыктан улам 1 куб отун күйүп кетти

Жарандык коргонуунун Өрткө каршы күрөшүү кызматынын маалыматы боюнча, акыркы суткада өлкө аймагында 13 өрт кырсыгы болуп, аларды өчүрүүгө 15 өрт өчүрүү бөлүмү тартылган.

Жайыл районуна караштуу Кара-Балта шаарындагы Шопоков көчөсүндөгү үйлөрдүн биринин жанынан Ауди-100 үлгүсүндөгү унаа толугу менен күйүп кетти. Өрттүн келип чыгуусуна электр жабдууларын куроодо эреженин бузулушу себеп болгон. Ошондой эле Талас облусундагы Покровка айылындагы үйлөрдүн биринин короосунан 1 куб отун, 300 килограмм жыгач таарындысы күйүп кетти. Өрттүн келип чыгуусуна тамеки тартуудагы этиятсыздык себеп болгон.

Автор: Мальвина Уметбекова