Тогуз-Торо районунун акимине козголгон кылмыш иши тергелип бүтүп, сотко жөнөтүлдү

Тогуз-Торо районунун акимине козголгон кылмыш иши тергелип бүтүп, сотко жөнөтүлдү. Бул тууралуу бүгүн, 9-январда Башкы прокуратуранын басма сөз кызматы билдирди.

Маалыматка караганда, өткөн жылы Жалал-Абад облустук прокуратурасы тарабынан Тогуз-Торо районунун акимине карата кылмыш иши козголгон. Анда аталган райондун акими Т.И. кызмат абалынан кыянаттык менен пайдалануу, жаңгак токойлорун кыюу боюнча айыпталып жатат.

Белгилүү болгондой, ал Жалал-Абадда жаңгак токойлорун кыюуга тыюу салынганына карабастан, Үч-Чат аймагындагы дарактарды кыйып, курулуш баштоого мыйзамсыз уруксат берген. Натыйжада мамлекеттик бюджетке 109 339 сомдук зыян келтирилген.

Автор: Бекжан Рыскулов