Кадамжайда мечиттен алынган китептер теологиялык экспертизадан өткөрүлөт

Кадамжай РИИБинин 10-бөлүмүнүн оперкызматкерлери тарабынан Кадамжай районунун Марказ айыл округунун Көк-Талаа айылында жайгашкан "Сары-Алтын" мечитинен алынган китептер теологиялык экспертизадан өткөрүлөт. Бул тууралуу 19-январда Баткен ОИИБинин басма сөз катчысы Дамира Юсупова билдирди.

Маалыматка караганда, аталган мечитте Каракол шаарынын тургуну 1970-жылы туулган К.А., Жети-Өгүз районунун туругуну М.С., Өзгөн шаарынын С.Д. аттуу тургунунан диний 4 даана китеп, 1 даана араб тилиндеги кол жазма менен жазылган дептер, кол жазма менен араб тилинде жазылган 5 даана блокнот, 6 даана Кыргыз Республикасынын кээ бир райондорунун картасы араб тилинде кол менен жазылып жана тартылган баракчалар, 2 даана диний маңыздагы араб тилинде жазылган брошюралар калыстардын катышуусунда акт түзүлүп алынды. Бул факт боюнча азыр теологиялык экспертиза дайындалып, иликтөө иштери жүрүп жатат.

Автор: Айпери Ганыжан кызы