Чек ара кызматы Ала-Букадагы атышуу боюнча кыргыз чек арачыларын айыптаган Өзбекстандын билдирүүсүн четке какты

Кыргызстандын Чек ара кызматы Ала-Букадагы атышуу боюнча кыргыз чек арачыларын айыптаган Өзбекстандын билдирүүсүн четке какты. Чек ара кызматынын бүгүн, 20-январга карата берген маалыматы боюнча, окуя Кыргызстандын аймагында болгон. Аңчылар кыргыз чек арачыларынын айткандарына баш ийишкен эмес.

Буга чейин өзбек тарап Ала-Букадагы атышуу боюнча “кыргыз чек арачылары күнөөлүү” деп айыптаган болчу. Анда алар окуя Өзбекстандын аймагында болгонун билдиришкен.

Айта кетсек, 18-январь күнү Ала-Бука районундагы "Көк-Серек" чек ара тозотунда ок атышуу орун алып, бир адам жаракат алган.

Автор: Бекжан Рыскулов