Футбол боюнча Азия чемпиондугунун жарым финалында Түштүк Корея курамасы Иракты утуп, финалга чыкты

Кечээ, 26-январда Австралияда өтүп жаткан футбол боюнча Азия чемпиондугунун жарым финалдык оюндары старт алды. Алгачкы оюнда Түштүк Корея курамасы Ирак менен кез келип, 2:0 эсебинде жеңип алды. Командага жеңиш алып келген голдорду Ли Юнг Жи (20-мүнөттө) менен Ким Янгвон (50-мүнөттө) киргизди.

Мелдештин расмий сайты кабарлагандай, финалда Түштүк Корея курамасы Австралия жана БАЭ курамаларынын жеңүүчүсү менен беттешет. Экинчи жарым финалчылар бүгүн, 27-январда өз ара оюн өткөрүшөт.

Мелдештин мындан аркы өнүгүшү төмөнкүчө болмокчу:

26-январь. Жарым финал. Түштүк Корея Республикасы - Ирак - 2:0

27-январь. Жарым финал. Австралия – БАЭ

30-январь. 3-орун үчүн оюн

31-январь. Финал

Автор: Максат Кудайбердиев
Фото: Мелдештин расмий сайтынан алынды