Жалал-Абадда студенттер арасында спорттун 7 түрү боюнча мелдештер башталды

Жалал-Абад мамлекеттик университетинде 2015-жылга карата 26-январдан 31-январга чейинки мөөнөттө университеттин деңгээлинде факультет жана колледждердин арасында спорттун 7 түрү боюнча мелдештер башталды.

Мелдештин биринчи күнү окуу жайдын ректору, саясий илимдердин доктору, профессор Акунжан Абдрашев сөз сүйлөп, университеттин окутуучулук-профессордук курамынын алдыдагы спорттук мелдеште ийгиликтерге жетишүүсүнө тилектештигин билдирип, спорттук мелдештин ишине ийгилик каалады.

Жалал-Абад мамлекеттик университетинин “Ден соолук” борборунун директору, тарых илимдеринин кандидаты, доцент Чырмаш Дооронов ар бир факультеттин командаларына ийгилик каалоо менен мелдештин өткөрүлө турган графиги менен тааныштырып кетти.

“Биринчи күнү шахмат, тогуз коргоол, стритбол жана стол тенниси боюнча, экинчи, үчүнчү күндөрү волейбол, кичи футбол боюнча, бешинчи күнү аркан тартыш боюнча таймаш болот. Ал эми жуманын ишемби күнү мелдеш жыйынтыкталып, спорттун түрлөрү боюнча ээлеген орундарга карата сыйлыктар ыйгарылмакчы”,- деди ал.

Автор: Айпери Ганыжан кызы