Депутатка таандык саунаны ижарага алып, көмүскө сойкукана кылып иштеткен жаран жоопкерчиликке тартылат

Бишкектин Чыгыш-5 кичи районундагы көмүскө сойкукана катары иштетилген спорттук-көңүл ачуучу жай ижарага берилип келгенин бүгүн, 29-январда ИИМдин басма сөз кызматы билдирди.

Белгилүү болгондой, 27-январда сойкукананы аныктоо максатында ыкчам иликтөө иш-чаралары жүргүзүлгөн. Анын жыйынтыгында аталган жайдын аймагында 2 сауна жана мейманкана бар экени билинип, жыныстык кызмат көрсөткөн 7 кыз кармалган. Алар өз кызматы үчүн саатына 3000-4000 сом алганы айтылган.

"Мыйзамдуулукту бузуу, ижарага алынган имаратта жыныстык кызмат көрсөтүүгө көмүскө жайды уюштуруу жана кармоо боюнча ижарачы жоопкерчиликке тартылат",- деп билдирди басма сөз кызматы.

Эскерте кетсек, 27-январда борбор калаадагы Чыгыш-5 кичи районунда спорттук-көңүл ачуучу жайлардын бирине текшерүү жүргүзүлүп, анда көмүскө сойкукананын иштеп жаткандыгы аныкталган. Жогорку Кеңештин депутаты Турсунтай Салимов бул жай анын менчиги экенин ырастаган, бирок аны ижарага берип койгондугун баса белгилеген.

Автор: Нургазы Аматов

10:16 29-01-2015

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (4)

RNA78

2015-01-29 10:45:00

Жазаны биринчи ээсинен башташ керек. Эгерде ээси депутат болбой жонокой жаран болгондо, аны да кошо жоопко тартат эленер.

Jakai89

2015-01-29 11:43:58

Ээси депутат болбогондо сауна ачылбайт эле сауна ачыш оной беле ишо кыздардын майанасы 4000 болгондон кийин крышават этет ошон учун ошонтип иштешет

Fili-07

2015-01-29 12:28:29

Эркектерибиз чекеден анги болуп баратышса,оз карындаштарына, жеендерине,небереси менен тен кыздарга,жадакалса 2жашар эркек наристелерди аяшпаса,кыздарыбыз сойкулук менен оз жандарын багып калышса, деги Кыргызстандын келечеги барбы??????

saulet2009

2015-01-29 16:39:23

Балык башынан сасып бийликтегилер озубуздун кыздарыбызды сатып кунун коруп жатышканы баарына белгилууда бирок эч ким каршы эч нерсе колдонбойт

Комментарий калтыруу үчүн өз ысымыңыз менен кириңиз же каттоодон өтүңүз.