Сноуборд боюнча Кыргызстан курамасы Испанияда Кышкы Универсиадага катышат

Кечээ, 2-февралда сноуборд боюнча Кыргызстан курамасы Испаниянын Гранада шаарында өтүп жаткан Кышкы Универсиадага катышуу үчүн жөнөп кетти. Бул тууралуу Дене тарбия жана спорт мамлекеттик агенттигинен кабарлашты.

Маалыматка ылайык, мелдеште Кыргызстандын желеги астында Алексей Вакурин, Тимур Губаев, Павел Вакурин жана Владимир Комиссаровдор өз күчтөрүн сынашмакчы.

27-ирет уюшулуп жаткан Кышкы Универсиада оюндары 24-январда старт алган. Мелдеш 14-февралда жыйынтыкталат.

Автор: Максат Кудайбердиев