Казакстандан баңгизат менен кармалган кыргызстандык жаран 16 жылга эркинен ажыратылды

Казакстандан баңгизат менен кармалган кыргызстандык жаран 16 жылга эркинен ажыратылды. Бул тууралуу бүгүн, 6-февралда жергиликтүү басылмалар жазып чыгышты.

Маалыматка ылайык, сот жобуна тартылган кыргызстандык жаран жалпы салмагы 5 килограммдан ашуун баңгизатты (гашиш) Оштон алган. Аны Казакстан аркылуу Орусияга сатыкка алып баратканы аныкталган.

"Алынган баңгизат унаанын арткы бөлүгүнө катылган. Кармалган жаран баңгизатты Оштон баштап Чүй облусунун "Ак-Жол" бажы постунан жана Казакстандагы бир нече өткөрүүчү пункттардан алып өткөн. Акыры ал Костанай облустук чек ара кызматы тарабынан колго түшүрүлгөн" деп айтылат маалыматта.

Автор: Мальвина Уметбекова