Аргентиналык футболчулар 2016-жылкы Олимпиадага жолдомо алышты. Кыргызстандыктар мартта жолдомо ойнотулуучу мелдешке катышат

2016-жылы Жайкы Олимпиада оюндары Рио-де-Жайнейро шаарында өтөт.

Орусияда өткөн Шериктештик Кубогунда 6-орунду ээлегенден кийин кыргызстандык футболчуларга болгон ишеним артты.

Аргентинанын жаштар курама командасы

Футбол боюнча Аргентинанын 20 жашка чейинки футболчулардан түзүлгөн курама командасы Латын Америкасынын биринчилигин утуп алды. Аргентиналыктар медаль тагынып тим болбой, 2016-жылы Рио-де-Жанейро (Бразилия) шаарында өтө турган Олимпиада оюндарына жолдомо алышты. Бул тууралуу чет элдик маалымат булактары кабарлайт.

Маалыматка ылайык, упай топтоо менен жеңиш ээсин аныктоо системинде ойнолгон мелдеште аргентиналыктар үй ээси Уругвайды акыркы турда 2:1 эсебинде утуп алышты. Муну менен алар карамагындагы упайдын санын 13кө жеткиришти. Бул мелдеште Олимпиадага бир жолдомо ойнотулган. Аргентинадан тышкары аталган мелдешке катышуу укугуна азырынча Бразилия курамасы гана ээ. Алар мелдешке катышуу укугун үй ээси катары биринчи болуп алышкан.

Кошумчалай кетсек, Олимпиада оюндарына жолдомо алуу үчүн Кыргызстан жаштар курамасы да кармаш өткөрөт. Тактап айтканда, кыргызстандыктар март айында 23 жашка чейинки футболчулар арасында өтүүчү Азия чемпиондугуна катышышат. Анда Кыргызстан жаштар курамасы В тайпасында Пакистан, Иордания, Кувейт жана Түркмөнстан курамалары менен жайгашкан. Жолдомо алуу үчүн мелдеште 1-орунду камсыздоо керек.

Автор: Максат Кудайбердиев

12:18 09-02-2015

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 705 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 883 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 845 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 1060 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1277 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 597 0

Архив

Комментарийлер (4)

Bogotik

2015-02-09 12:44:02

molodsi

nurik11-29

2015-02-09 12:59:15

эхх кандай соонун шааар,бир эгин талаасын корунбойт..кантип онугуп жатат булар?????

SULUU-KYZ

2015-02-09 13:15:08

Рио-де-Жанейро,менин кыялымдагы шаар.Омур откончо бир барып келсем кана?!

Sadyrov_n93

2015-02-09 20:54:39

Кыргызстан алга,Риодо женишке жетпесенер да катышуучу болушунарды тилейбиз,мен да Риодо олимпиадага волонтёр болоюн дедим эле бирок шарттары бир аз кыйыныраак экен.

Комментарий калтыруу үчүн өз ысымыңыз менен кириңиз же каттоодон өтүңүз.