Советтик физик Анатолий Александров төрөлгөн
реклама

13-февраль, 1903-жылы Советтик физик Анатолий Александров төрөлгөн

Дүйнө
Советтик физик, советтик ядролук энергетиканын негиздөөчүлөрүнүн бири Анатолий Александров Киев областындагы Таращи шаарында төрөлгөн.
Анатолий Александров үч жолу Социалдык Эмгектин Баатыры (1954, 1960, 1973), СССР ИАнын академиги (1953), президенти (1975), 1962-жылдан КПССтин мүчөсү, 1966-жылдан КПСС БКнын мүчөсү болгон. Ал 1930-жылы Киев университетин бүтүргөн. 1946-1955-жылдары СССР ИАнын физикалык көйгөйлөр институтунда, 1960-жылдан И.В.Курчатов атындагы атомдук энергия институтунун директору болуп иштеген. Анатолий Александровдун эмгектери диэлектриктер физикасына жана жогорку молекулалуу бирикмелердин касиеттерин изилдөөгө арналган. Катуу нерселердин бекемдигинин статистикалык теориясын сунуш кылган. Ал эми 1936-жылы Экинчи дүйнөлүк согушта колдонулган кемелерди минадан сактоо методун ачкан. 1946-жылдан баштап ядролук реакторлорду түзүү боюнча иштеген.
Анатолий Александров СССР Жогорку Кеңешинин 5-6-чакырылышындагы депутаты болгон. Ал 1959-жылы Ленин, ал эми 1942-1949-1951-1953-жылдары Мамлекеттик сыйлыктардын лауреаты, 7 жолу Ленин ордени ж.б. орден, медалдар менен сыйланган.
  (115 жыл мурун)
 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул окуяга кирди:

Окуялар:
8966;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: