Ош шаарындагы 12 кабаттуу турак үйдүн жашоочусу таштандыларды балкондо өрттөп жиберген. Бул тууралуу бүгүн, 19-майда Өзгөчө кырдаалдар министрлигинен билдиришти.
Маалыматка караганда, окуя 14-май күнү саат 20:17 чамасында 12 кабаттуу турак үйдүн 1-кабатында болгон. Анда 1988-жылы туулган Назира Мойдинова чогулган таштандыларды сыртка чыгарбастан, балкондо өрттөп жиберген. Өрт катуу жалындап, кара түтүн каптап кеткен. Мындан улам Назира сыртка чыга албай калган. Ал жерге дароо куткаруучулар барышып, эшикти ачып Мойдинованы куткарып калышкан.