super.kg logo

Өмүрбек Текебаев: "Биздин партиябыздан биздин жашоо образыбыз чагылат. Партия - атадан балага, агадан иниге калган ыйык дөөлөт"

 

Бүгүн партиялар көп экенин, бири байлыгын арттырууга, экинчиси бийлигин бекемдөөгө түзүлөрүн, 1990-жылы "Эркин Кыргызстан" партиясы негизделгенде партиянын төрагасынын биринчи орун басары Эркин Шерниязов болгондугун "Ата Мекен" социалисттик партиясынын төрагасы партиянын Талас облустук конференциясында айтты. 

"Ата Мекен" социалисттик партиясы - эл-жер үчүн күрөшкө чыккан партия. Биз башынан кыргыз мамлекетинин көз карандысыздыгына жетишүү үчүн күрөшкө чыгып, койгон максаттарыбызга четинен жетип, өлкөнүн келечеги үчүн колубуздан келишинче аракет кылып жатабыз. 

"Ата Мекен" партиясы - намыстын, эрктин, тунук идеялардын жана жаштыктын, атадан балага, агадан иниге ыйык дөөлөт катары калып отурган партия. Мына азыр Азиз Курамаев жана анын атасы Сыязбек Курамаев жөнүндө айткым келет. Ата менен баланы эмне бириктирип турат?.. Сыязбек Курамаев бийликке же кызматка умтулган жок. Ал адамдык көз карашында жалган менен калпка, акыйкатсыздык менен адилетсиздикке каршы күрөштү. Ал өз уулунун жаркын келечеги үчүн, ашууда ызгаарлуу суукта калган казак баланын өмүрү үчүн, кыргыз мамлекетинин уул-кыздарынын аруу максаттары үчүн күрөштү. Ошондуктан Сыязбектин уулу атасынын ишине сыймыктанат жана анын жолун, күрөшүн улантат... "Ата Мекен" партиясы Азизге атасынан мураска калган",- деди Ө.Текебаев. 

Ошондой эле ал өз сөзүндө "Эркин Кыргызстан", "Ата Мекен" партияларын түптөгөн ыраматылык Эркин Шерниязовдун инилери, коомчулукка белгилүү инсандар Болот жана Садык Шер-Нияз азыр "Ата Мекен" партиясынын, карапайым калктын, кыргыз дөөлөттөрүнүн жүгүн кошо тартышкан шерлерден экенин айтты. 

"Мындан 25 жыл мурун Эркин Шерниязов сыяктуу азаматтар менен партияны түптөп баштаганда, биз жаркын, эгемен кыргыз мамлекети жөнүндө кыялдансак, эми бүгүн ушул жерде отургандар менен бирдикте гүлдөгөн өлкө жөнүндө кыялдануучу учур келди. Ошондуктан бүгүн биз "Ата Мекен" социалисттик партиясын атадан балага, агадан иниге, достон доско калып отурган ыйык мурас жана дөөлөт катары баалап, ынтымактын, тилектештиктин жана тууганчылыктын партиясы деп атасак болот. Анткени атасы баштаган ишти баласы, агасы баштаган иниси ыйык мурас катары улантып жатпайбы.

Урматтуу партиялаштар! Алдыда парламенттик шайлоо келатат. Шайлоо "тандоо" дегенди түшүндүрөт. Биздин партиянын 50 миңден ашык мүчөлөрүнүн ичинен мыктыларын тандап шайлап алсак, биз "Кумтөрдү", башкаларды жеңип, элге кызмат кылган жаркын коом түзө алабыз. Мыкты талапкерлер менен гана мыкты ийгиликтерге жетишебиз",- деди Ө.Текебаев. 

"Ата Мекен" социалисттик партиясынын лидери күз айларында өтүүчү парламенттик шайлоого аттангандарга ийгиликтерди каалады. 

"Ата Мекен" социалисттик партиясынын облустук конференциялары эми Жалал-Абад, Ош, Баткен, Ысык-Көл, Чүй облустарында жана Бишкек, Ош шаарларында улантылмакчы. 


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(5)
16.06.2015. 21:02 
Тайпасы:
Жаран
Комментарийлердин саны:
315
Катталган:
22-04-2015
Соӊку аракети:
03-01-2018 19:32
Жынысы:
Белгисиз
+2
Неге ыйык?
16.06.2015. 21:33 
Тайпасы:
Жаран
Комментарийлердин саны:
2
Катталган:
05-04-2015
Соӊку аракети:
19-09-2018 00:09
Жынысы:
Белгисиз
Калаасы:
Алматы
+3
Партия атадан мураска калуучу уюм экенин биринчи рет угуум. Эгер тушунбогон болсом кечирерсиздер?
18.06.2015. 16:10 
Тайпасы:
Кыймылы жок
Комментарийлердин саны:
94
Катталган:
21-04-2015
Соӊку аракети:
29-09-2016 18:01
Жынысы:
Белгисиз
0
Medina87,Партияны ыйык тутуп, партияны таза кармап, атасы бутурбой кеткен ишти, баласы, агасы баштаган ишти иниси партияда улантсын дегенди айткысы келишкен. Атасынын ишин улантуу бала учун ыйык мурас болгондон кийин, ал катталып жургон партия баласы учун доолот да. Партияларды арам максатка жетуунун куралы катары эмес, элдин жыргалчылыгына кызмат кылууга багыттасак партиялар атадан балага калган доолотко айданат да.
18.06.2015. 15:42 
Тайпасы:
Кыймылы жок
Комментарийлердин саны:
94
Катталган:
21-04-2015
Соӊку аракети:
29-09-2016 18:01
Жынысы:
Белгисиз
0
Текебаев абдан туура айтыптыр. Партияга кызматка, байлык жана бийликке жетуу максатында кирген адам жарытпайт. Эгерде ар бирибиз ата-бала Курамаевдер, ага-ини Шерниязовдор сыяктуу партияга берилип, партияны курал катары эмес, доолот катары карасак Кыргызстанды алга суроп жылдырмак элек. Ошол жагынан алып караганда "Ата Мекен" социалисттик партиясында сонун жагдай пайда болуптур. Партияга биз кызмат кылсак, партия биздин маселелерибизди ылгабай чечип берээрине ишенсек болот!
18.06.2015. 15:59 
Тайпасы:
Кыймылы жок
Комментарийлердин саны:
94
Катталган:
21-04-2015
Соӊку аракети:
29-09-2016 18:01
Жынысы:
Белгисиз
0
Эй туугандар! Биз кимди шайласак, ошол бизди башкарат. Шайлоого келгенде берген акчасына, сойгон малына, тогуп берген таш-кумуна эмес, акылына, аткарып жаткан ишине жараша депутаттарды шайлап алчу учур келди. Мага чынында "Ата Мекен" партиясынын аракеттери жагып турат, мен шайлоодо ушуларды колдоймун. Сиздерди дагы атамекенчилерди колдоого чакырабыз. Алга Ата Мекен!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114277;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: